Vrishti

vrishti hai un geeton ki
srot na jinka megh hai
ye bas man ka udweg hai
jo swar ke kundan feeton se
shrishti karti hai wah dhara
Apratim jiska weg hai

twarit kanth ki vani se
sneh ke nirmal pani se
yeh harti hai har hriday kalush
phir bharke usme sangeet pratyush
ud jati hai wihgon ke sang
nabh ki anth-heen dishaon mein
phailake harson indradhanushi rang
tab sun kar suron ka ye sangam
ho uthta hai pulkit ang ang